kwentuhan 2008

Matagal-tagal na rin ang huli kong papercraft. Na-miss ko na ang talim ng cutter at gunting, amoy ng natutuyong glue sa daliri, at ang masarap na tunog ng cardboard na dahan-dahang ginugupit. Kaya tayo’y magbalik sa nakaraan… tenen-ten-tenen-tenenenenennnn….
:
Psy1 final project (Summer, 2004)

Dahil tuwing summer lang ako nagiging mabait na estudyante, at may mahaba-habang holidays noon (Presidential elections at Holy Week), minabuti ko nang pagandahin ang final project ko sa Psy1 class ko. 1 set per day for 5 days — tumanda yata ng ilang taon ako pagkatapos nun.

:
PPPPP: Pabibong Project Para sa Prod ng Perspektib
(1st Sem, 2004)

Para magpa-impress sa aking bagong tahanan (at para manalo kami sa Creative Logbook competition), naglagay ako ng "1st page shocker" ng aming F4-themed cover (c/o Kuya CJ). [Sa mga naghahanap pala ng ancient logbook na 'to, i-message lang si Mang Nelson. Sa kanya muna ang logbook hanggang mag-50th Anniversary ang Perspective]
:
At pagkatapos ng tatlong taon…
:
Paper Link! (kahapon, 2007)

Dahil fan ako ng cel-shaded Link, ayan, gumawa ako ng cardboard model (salamat sa internet). Sa susunod colored na, tapos ibang game characters naman, tapos papercraft model naman ng castle sa Howl’s Moving Castle, tapos blahblahblah.